Eredienste
Ons weeklikse erediens vind elke Sondag om 9:00 plaas. Oud en jonk is welkom by hierdie geleentheid. Die erediens is nie maar net nog ‘n samekoms nie. Dit is werklik ‘n ruimte waar ons saam God kan aanbid en mekaar as Liggaam van Christus kan dien en ondersteun. Die jongspan kom tydens die erediens in die saal bymekaar vir Kinderkerk, en na die diens kom die Kategese en Belydenisklas bymekaar. Kontak gerus ds Grobler (076 841 1568) of die kerkkantoor vir meer inligting (072 137 4407).
Eredienste : Sondae 9:00
Musiekbediening
Pierneefgemeente se Musiekleier is Angelique Mulder (074 766 7049). Indien jy graag wil betrokke raak by ons musiekbediening in enige manier, is jy welkom om haar te kontak. Die musiekbediening vorm deel van ons erediens elke Sondag (voorsang/begeleiding met instrumente). Die bediening speel ook ‘n groot rol in ons spesiale eredienste en verskeie optredes wat deur die jaar plaasvind.
Liturgiese-span
Ons Liturgiesespan help om die regte atmosfeer te skep op ‘n Sondagoggend. Dit geskiet deur die liturgieseruimte voor in die kerk in te rig volgens ons kerklike-jaar se temas. Die span gaan kreatief te werk om hulle gawes op hierdie manier met die gemeente te deel. Kontakpersoon: Yvonne Botha (084 433 3921)
Multimedia
Onder leiding van Paul van der Walt, sorg die multi-mediaspan vir die klank en die visuele hulpmiddels op ‘n Sondag. Indien jy hier wil inskale, kontak asb vir Paul (084 632 4364).
Verwelkomingskomitee
Daar is niks so lekker as om welkom te voel nie! Op ‘n Sondagoggend sal jy verwelkom word deur oom Cliff by die deur, asook ander lede van ons gemeente. Indien jy ‘n nuwe lidmaat is, en/of meer wil uitvind oor die gemeente, nader asb vir Steve Swart (072 137 4407).